Nokkrar algengar spurningar sem okkur hafa borist:

Hvernig eignast ég miða?

• Fljótlegast er að nota kaupkerfi HHÍ efst til hægri hér á síðunni. Einnig er hægt að hringja í síma 800-6611 eða 563-8300 á skrifstofutíma. Svo er líka hægt að heimsækja einn fjölmargra umboðsmanna okkar um allt land og kaupa miða hjá þeim.

Hvernig vel ég númer?

• Einfaldast er að láta leitarvélina í kaupferlinu efst til hægri hér á síðunni aðstoða sig við leit að númeri eða hafa samband við umboðsmann okkar og fá aðstoð.
  
• Auk þess að vera númeraður, er hver miði auðkenndur með bókstaf; B, E, F, G og H. Hvert númer hefur einn trompmiða sem auðkenndur er með bókstafnum B. Trompmiðar hafa fimmfalt gildi. Hinir bókstafirnir eru einfaldir miðar. Ekki skiptir máli hver þessara bókstafa er valinn, þar sem allir miðar með sama númeri fá vinning ef númerið er dregið út í Aðalútdrætti. Þegar dregið er í Milljónaveltu er bæði dregið út númer og bókstafur. Annars vegar dregið um einn 10.000.000 króna vinning þar sem dregið er bæði úr seldum og óseldum miðum og hins vegar er dregið um 5 vinninga að fjárhæð 1.000.000 kr, einungis dregið úr seldum miðum.

Hvað kostar miði?

• Einn miði kostar kr. 1.100 á mánuði. Trompmiði kostar kr. 5.500, og gefur fimmfaldan vinning. Fyrir þetta verð er miðinn gildur í útdráttum mánaðarins svo framarlega sem búið sé að ganga frá greiðslu tímanlega fyrir útdrátt.

Hvað er Trompmiði?

• Trompmiðar eru auðkenndir með bókstafnum B, t.d. 32695-B.
  
• Í Aðalútdráttum hefur trompmiði fimmfalt gildi á móti einföldum. Vinningur sem dreginn er út á trompmiða fimmfaldar vinningsupphæðina. Útdreginn vinningur sem er kr. 5.000 verður kr. 25.000 á trompmiða og 5.000.000 verða 25.000.000!
  
• Í Milljónaveltunni er annars vegar dregið um einn 10.000.000 króna vinning, þar sem dregið er bæði úr seldum og óseldum miðum. Hins vegar er dregið um 5 vinninga að fjárhæð 1.000.000 kr., aðeins úr seldum miðum. Í Milljónaveltunni hækkar vinningsupphæðin ekki, heldur aukast möguleikar eiganda trompmiðans til vinnings með því að hver seldur trompmiði er fimmfaldur í pottinum sem dregið er úr.
  
• Endurnýjun trompmiðans er, eins og vinningarnir, fimmföld á mánuði eða kr. 5.500.

Hvað er Aðalútdráttur?

• Aðalútdráttur hvers mánaðar er í kringum 10. dag hvers mánaðar. Í þessum útdrætti er ævinlega mikill fjöldi vinningshafa eða í kringum 3.000 aðilar sem geta fengið í sinn hlut vinninga allt frá kr. 5.000 upp í kr. 45.000.000.

Hvað er Milljónaveltan?

• Milljónaveltan er nýr leikur sem fer fram í seinni útdrætti hvers mánaðar, um tveimur vikum eftir Aðalútdrátt. Í Milljónaveltunni er dregið úr öllum miðum um einn stakan 10.000.000 króna vinning. Ef vinningurinn gengur ekki út veltur hann áfram og bætist við seinni útdrátt næsta mánaðar. Vinningurinn getur því stækkað um 10 milljónir á mánuði en gengur að fullu út í árslok. Að auki eru í Milljónaveltunni dregnir út 5 vinningar að upphæð 1.000.000 króna, aðeins úr seldum miðum.

Hvenær er dregið?

• Dregið er tvisvar í hverjum mánuði. Fyrri útdráttur fer fram um 10. dag hvers mánaðar. Seinni útdrátturinn, Milljónaveltan, fer svo fram tveimur vikum síðar.
  

Eru margir miðar með sama númeri?

• Fimm miðar eru gefnir út með sama númeri. Miðarnir hafa þó ekki alveg sama númerið þar sem þeir eru aðgreindir með bókstöfunum B, E, F, G og H.
• Númer með bókstafnum B er svokallaður trompmiði. Trompmiðar hafa fimmfalt gildi á við hina miðana. Það eru einfaldir miðar. Ekki skiptir máli hver þessara bókstafa er við miðanúmerið sem dregið er út þar sem hver og einn þessara miða fær vinning ef númerið er dregið út í Aðalútdrætti. Í Milljónaveltunni er dregið út bæði númer og bókstafur, en Trompmiði margfaldar ekki vinning heldur eykur hann líkur á vinningi fimmfalt.
• Það er sem sagt hægt að eiga einn miða með tilteknu númeri, tvo, þrjá og allt upp í fimm miða sem gefa nífaldan vinning í Aðalútdrætti!

Hverjar eru vinningslíkurnar?

• Í reglugerð um HHÍ er sagt til um að vinningshlutfallið skuli vera 70%. Það þýðir að af 1.100 krónu endurnýjun hvers miða fara 770 aftur út til miðaeigenda sem vinningar.
  
• Heildarfjöldi númera er 60.000. Vinningslíkur hvers númers í sérhverjum Aðalútdrætti er sem hér segir:

  • 5.000.000 kr. : 1/60.000 = 0,002%
  • 500.000 kr. : 3/60.000 = 0,005%
  • 200.000 kr. : 9/60.000 = 0,015%
  • 100.000 kr. : 40/60.000 = 0,067%
  • 15.000 kr. : 1225/60.000 = 2,042%
  • 5.000 kr. : 1200 /60.000 = 2,0%
  • 50.000 kr. : 2/60.000 = 0,003%

• Vinningslíkur hvers númers í Milljónaveltu eru sem hér segir:

  • 1.000.000 kr. : 1/(0,2 x 300.000) = 0,002% (Dregið er úr seldum miðum, en um 20% upplagsins er selt hverju sinni. Heildarfjöldi miða (númer+bókstafur) er 300.000 (5 x 60.000)).
  • 10.000.000 kr. (getur hækkað milli mánaða) = 1/300.000 =0,00033%
  • Líkur margfaldast í Milljónaveltu með fjölda miða í hverju númeri (t.d. fimmfaldar Trompmiði vinningslíkurnar)

• Að jafnaði kemur vinningur á annað hvort númer yfir heilt ár. Það eru því um 50% líkur á að fá einhvern vinning, stóran eða smáan, að meðaltali á ári. Sum númer eru vissulega „heppnari“ en önnur; þannig geta liðið nokkur ár á milli vinninga í sumum númerum, en aðeins nokkrir mánuðir í öðrum númerum.

Hvað með skattinn?

• Vinningar HHÍ eru skattfrjálsir.
• Þetta þýðir að ef þú færð 5.000.000 í vinning – þá færðu 5.000.000 í vinning! Happdrætti Háskólans sendir hvorki skattyfirvöldum né öðrum aðilum upplýsingar um vinninga.

Hver fær að vita af vinningum?

• Vinningshafinn fær að vita um vinninginn – enginn annar.
• HHÍ leggur mikið upp úr trúnaði við viðskiptavini sína. Það er vinningshöfum því í sjálfsvald sett hvort þeir segja einhverjum af heppni sinni eða ekki.

Hvernig veit ég hvort ég vann?

Ýmsar leiðir eru til þess að sjá hvaða númer fengu vinning. Þær eru helst þessar:

• Vinningaskráin birtist fljótlega eftir útdrátt á vefnum okkar.

• Vinningaskráin er birt í Morgunblaðinu daginn eftir útdrátt.

• Fjótlega eftir útdrátt er hægt að slá inn miðanúmerið og láta vefinn leita í vinningaskránni.

• Með skráningu á ”Mínar síður” er hægt að fá sent sms og/eða tölvupóst þegar vinningaskráin er komin á netið, þegar vinningur kemur á miðann þinn eða með númerinu sem fékk hæsta vinning mánaðarins.

• Þeim sem ekki hafa sótt vinninga tveimur vikum eftir útdrátt er send tilkynning í pósti.

• Síðast en ekki síst er hægt að hringja í HHÍ og umboðsmenn þess um allt land og leita upplýsinga.

Hvernig fæ ég vinning greiddan?

• Einfaldasta og fljótlegasta leiðin til að fá greiddan vinning er að láta leggja vinninga sjálfkrafa inn á bankareikning miðaeiganda. Innleggsreikning er hægt að skrá með því að hringja í síma 800-6611 eða 563-8300 og gefa starfsfólki HHÍ upp reikningsnúmerið. Einnig er hægt að fara til umboðsmanna og fá greidda vinninga.
  
• Útborgun vinninga hefst viku eftir útdrátt.

Hvað er Spilaeyjan?

• Spilaeyjan er afþreyingar- og samfélagsvefur í umsjá og á ábyrgð HHÍ.
  
• Á Spilaeyjunni er hægt að spila ýmsa þekkta afþreyingarleiki, svo sem Backgammon (Kotra), Yatzy, Skák og marga fleiri leiki.
  
• Spilaeyjan er án fjárhagslegs ávinnings fyrir þátttakendur og aðgangur að leikjunum er ókeypis. Hins vegar geta þátttakendur sem eru 18 ára eða eldri keypt sér sérstakar „spilakrónur“ og lagt þær undir í leikjunum.
  
• Miðaeigendur hjá Happdrætti Háskóla Íslands njóta sérkjara á Spileyjunni (sjá nánar neðar).
  
• Það sem gerir Spilaeyjuna frábrugðna öðrum spilavefjum er að þar er opið, ört stækkandi samfélag spilara þar sem hægt er að spila við aðra, bæði hér á landi og erlendis, eða mæla sér mót við vini inni á síðunni. Þar er einnig hægt að taka þátt í alþjóðlegum leikjum og spilamótum.
  

Hvaða réttindi veitir miðinn minn í Happdrætti Háskólans mér á Spilaeyjunni?

• Þeir sem eiga miða hjá Happdrætti Háskólans njóta sérréttinda á Spilaeyjunni. Fyrir hvert miðagildi (einfaldur miði er eitt miðagildi og Tromp-miði er fimm miðagildi) sem endurnýjað er fær miðaeigandi 500 Spilakrónur uppfærðar á reikning sinn á Spilaeyjunni næsta mánuð á eftir. Reikningurinn er uppfærður um mánaðarmót.
  
• Spilakrónuinneign vegna miða hjá Happdrættinu myndast ekki fyrr en viðkomandi hefur skráð sig á Spilaeyjunni, og hún safnast ekki upp milli mánaða, þ.e. ef Spilakrónur frá Happdrættinu eru ekki notaðar innan mánaðarins fyrnast þær.
  
• Sjá nánari upplýsingar á www.spilaeyjan.is.
  

Til baka, Prenta greinina