Skuldfærsla miða mistókst

Ekki tókst að skuldfæra fyrir miðanum þínum með þeirri greiðsluleið sem við höfum skráða í kerfunum okkar. Algengustu ástæður þess eru:

• Viðskiptavinur hefur fengið nýtt kredit eða debetkort þar sem það gamla var útrunnið.
• Ekki var næg innistæða inni á korti/reikningi fyrir skuldfærslunni.

Hvað get ég gert?

Einfaldasta og fljótlegasta leiðin til þess að uppfæra kortanúmer er að skrá sig inn á „Mínar síður“. Þær eru staðsettar efst í hægra horninu á forsíðu www.hhi.is við hliðina á grænu innkaupakörfunni.

Allir miðaeigendur eru sjálfkrafa með mínar síður og ekki þarf að búa þær til sértaklega. Þú einfaldlega skráir þig inn með rafrænum skilríkum.

Þegar þú ert kominn inn á mínar síður þá er valmöguleiki undir „Skuldfærsluleið“ sem heitir „Breyta um greiðslukort“. Með því að velja hann er hægt að setja inn réttar kortaupplýsingar (Sjá merkt með rauðri pílu á mynd hér að neðan).

Um leið og búið er að uppfæra kortaupplýsingar þarftu að staðfesta kortanúmer með rafrænum skilríkum.

Það fer eftir bönkum hvort að rafræna auðkenningin birtist beint á skjá símans (Landsbankinn og Íslandsbanki) eða hvort að staðfesta þurfi greiðsluna í gegnum App (Arion Banki og Indó).

Þegar búið er að setja inn kortaupplýsingarnar er ýtt á rauða hnappinn „reyna aftur“ og þá ætti miðinn að vera orðinn gildur.

Undir „Mínir miðar“ kemur einnig fram hvort að búið sé að endurnýja miðann fyrir viðkomandi mánuð. Í græna kassanum (á myndinn hér að ofan) sést hvernig miði er merktur ef hann er gildur í næsta útdrætti en ef ekkert stendur undir -MIÐI- eins og rauði kassinn sýnir þá er miðinn ekki gildur. Þegar búið er að ýta á „reyna aftur“ ætti að birtast texti fyrir ofan miðanúmerið þar sem fram kemur að miðinn sé endurnýjaður.

Ef þú varst með miðann í beingreiðslu hjá bankanum þá er ekki hægt að tryggja það að miði verði endurnýjaður ef nýjar beingreiðsluupplýsingar eru settar inn. Þá getur þú annað hvort sett inn debet- eða kreditkortaupplýsingar eins og lýst er hér að ofan eða þá valið hnappinn „Greiða með vefposa“ og þá getur þú sett inn kortaupplýsingar fyrir endurnýjun í eitt skipti til að tryggja næsta útdrátt.

Undir „Mínir vinningar“ getur þú einnig séð vinningasögu þína hjá Happdrætti Háskólans (sjá gulmerkt á mynd hér að ofan).

Ef þú ert enn þá í vandræðum þá er þér að sjálfsögðu velkomið að hringja í okkur í síma 563 8300 og við aðstoðum þig með það sem þarf.