Hjálp!

Við skulum reyna að útskýra fyrir þér hvernig þetta virkar nú allt saman =)

Verð á einföldum miða er 1.600kr.

Trompmiði, sem hefur fimmfalt vægi, kostar 8.000kr.

Þú kaupir miða með því að fara inn á forsíðu HHÍ þ.e "Happdrættismiðar". Þar geturðu skoðað hvaða miðanúmer eru laus og leitað eftir því sem þér lýst vel á. Þegar óskanúmerið er fundið þá einfaldlega smellir þú á það og velur bókstaf við hæfi. Við það flyst miði í kaupkörfu og með því að smella á "Áfram" hnappinn í kaupkörfunni getur þú lokið við kaup á miðanum. Það er gert með því að skrá sig inn á Mínar síður og ganga frá greiðslu þar.

Til þess að kaupa miða eða skoða þín mál hjá Happdrættinu þá þarftu að skrá þig inn á Mínar síður. Það er einfalt að skrá sig inn og eru tvær leiðir í boði. Í fyrsta lagi geturðu notað rafræn skilríki en einnig geturðu búið til aðgang með því að nota kennitöluna þína og færð þá lykilorð sent í netbankann þinn. Með því að nota þær upplýsingar sem þú finnur í netbankanum geturðu virkað aðganginn þinn að Mínum síðum og valið þér lykilorð.

Með því að smella á hlekkinn "Innskráning" sem er niðri í vinstra horni síðunnar, geturðu skráð þig inn á Mínar síður.

Ef þú vilt taka miða úr skuldfærslu þá skráir þú þig inn á Mínar síður og tekur miðann úr skuldfærslu með því að smella á viðkomandi miða. Í kjölfarið geturðu smellt á "Segja upp miða" til að staðfesta uppsögn.

Uppsagnarfrestur á áskrift er 1 mánuður.

Þegar valið er happdrættisnúmer þá fylgir líka að það þarf að velja bókstaf.

Bókstafirnir eru E, F, G, H og B.

Þeir hafa mismunandi gildi í útdráttum og kosta mismikið.

E, F, G og H eru einfaldir miðar og hafa því allir sama vægi og kosta allir það sama.

B er tákn trompmiða. Trompmiðar eru fimmfaldir og kosta því fimm sinnum meira en einfaldur miði.

Trompmiðar hafa mismunandi vægi í útdráttunum hjá okkur.

Sá sem á B miða í Aðalútdrætti fær fimmfalda vinningsupphæð í sinn hlut. Í Milljón á mann hefur B miði fimmfalt vægi á við einfaldan miða. Það þýðir að númerið er fimm sinnum í pottinum en vinningsupphæðin sem kemur á miðann er sú sama á einfaldan miða og trompmiða. Hið sama gildir um Milljónaveltuna en þar er B miðinn einnig fimm sinnum í pottinum og því fimm sinnum líklegri en einfaldur miði til að hljóta vinning.

Þeir sem eru svo heppnir að fá vinning í útdráttum fá vinninginn greiddan inn á bankareikning í sínu nafni 3-5 virkum dögum eftir útdrátt.

×
Smelltu hér til að opna TeamViewer
Smelltu hér til að opna TeamViewer